სიბრძნის კბილის ექსტრაქცია

სიბრძნის კბილები (მერვე კბილები) ბოლოს, ჩვეულებრივ 17-25 წლის ასაკში ამოდის და ყბაში ხშირად ადგილი აღარ ყოფნის. სიბრძნის კბილის ამოღება საჭიროა, როდესაც კბილი სრულად ვერ ამოდის, არასწორი მიმართულებით იზრდება, იწვევს ტკივილს ან ღრძილის ანთებას, აზიანებს მეზობელ კბილს ან მასზე კარიესი ისე განვითარდა, რომ მკურნალობა შეუძლებელია. დროული დიაგნოსტიკა თავიდან აგაცილებთ გართულებებს: ანთებას, კისტასა და მეზობელი კბილების გადაადგილებას.

როგორ მიმდინარეობს პროცედურა M Clinic-ში

ჯერ ტარდება ციფრული 3D დიაგნოსტიკა, რომლის საშუალებითაც ქირურგი ზუსტად ხედავს კბილის ფესვების მდებარეობას ნერვთან და ყბის ძვალთან მიმართებით. ამის მიხედვით იგეგმება ჩარევა. ამოღება თანამედროვე ანესთეზიით, ნაკლებად ტრავმული ქირურგიული ტექნიკითა და სტერილიზაციის მაღალი სტანდარტების დაცვით სრულდება. მარტივი შემთხვევა 20-30 წუთს მოითხოვს, ხოლო რთული (რეტინირებული) კბილის ამოღებას ცოტა მეტი დრო სჭირდება.

ამოღებას ყბა-სახის ქირურგი გიორგი რაქვიაშვილი და ქირურგი ნუკრი როგავა ატარებენ.

რა ღირს სიბრძნის კბილის ამოღება

M Clinic-ში სიბრძნის კბილის ამოღება 250 ლარიდან იწყება. ღირებულება კბილის მდებარეობასა და სირთულეზეა დამოკიდებული: სრულად ამოსული კბილის ამოღება შედარებით იაფია, ხოლო ღრძილში ან ძვალში ჩარჩენილი (რეტინირებული) კბილისა შედარებით ძვირი. ზუსტ ფასს ექიმი 3D სურათის ნახვის შემდეგ გეტყვით.

აღდგენა ამოღების შემდეგ

პირველ 2-3 დღეს შესაძლებელია შეშუპება და მსუბუქი ტკივილი, რომელიც ჩვეულებრივი ტკივილგამაყუჩებლით მარტივად იმართება. ექიმი დეტალურად აგიხსნით, როგორ მოუაროთ ჭრილობას, რა მიირთვათ და როდის მოხვიდეთ შემოწმებაზე. სრული შეხორცება 1-2 კვირაში ხდება.

რას კითხულობენ პაციენტები

მტკივნეულია სიბრძნის კბილის ამოღება? პროცედურის მიმდინარეობისას არა, რადგან ანესთეზია სრულად ხსნის მგრძნობელობას. დისკომფორტი ამოღების შემდეგ რამდენიმე დღეში ქრება.

ყველა სიბრძნის კბილი უნდა ამოვიღოთ? არა. თუ კბილი სწორად ამოვიდა, ჯანმრთელია და მისი გახეხვა შესაძლებელია, მისი ამოღება საჭირო არ არის. გადაწყვეტილებას ექიმი გამოკვლევის შემდეგ იღებს.

ჩაეწერეთ კონსულტაციაზე ან მოგვწერეთ WhatsApp-ში.